Kinumpirmaran ti Philippine Coast Guard (PCG) a nangipan manen ti floating barrier iti China idiay Bajo de Masinloc.
Segun ken ni PCG Spokesperson for the West Philippine Sea Commodore Jay Tarriela, ti addang ket naimatangan bayat ti maritime domain awareness flight iti Coast Guard ken Bureau of Fisheries and Aquatic Resources.
Nakita iti kaadda dagiti uppat a Chinese Maritime Militia vessels, lima a barko iti China Coast Guard ken maysa a barko iti People’s Liberation Army Navy.
Adda pay indeploy a helicopter iti Air Force iti People’s Liberation Army.
Posible a naipan ti barrier tapno malapdan iti iya-asideg dagiti Pilipino a mangngalap.
Kabayatanna, siguradoen ti PCG nga agtultuloy iti panagbantayda ti masakupan ti Pilipinas ken dagiti mangngalap nga agtaltalinaed idiay Bajo de Masinloc.
