VIGAN CITY – Nagballaag ni Commission on Higher Education Chairman Prospero De Vera III iti publiko kontra kadagiti agpampammarang a miembro ti UniFast nga agididiaya nga a mang-facilitate iti aplikasyon dagiti interesado nga estudiante ken panangikarida nga ikkanda ida iti slot para ti Tertiary Education Subsidy.
Gapu ti dayta, nagbalakad ti opisial a saan a rumbeng a makitransaksyon kadagiti agpabayad ta libre ti aplikasyon iti TES.
Impalagipna pay a ti TES ket sumursurot iti prioritization scheme ket dagiti baro nga aplikante ket dumaldalan iti validation ken verification process sakbay a makwalipikada a TES grantee.
Amin nga state universities ken colleges, higher education institutions a datin nga adda memorandum of agreement iti komisyon ken UniFast ket isu laeng ti mabalin a mangipatungpal iti TES.