VIGAN CITY — Nakaragsakan ni Commission on Higher Education Commissioner Prospero de Vera iti panangpirma ni Presidente Rodrigo Duterte kadagiti libre a matrikula kadagiti agad- adal ken agadal to iti State Universities and Colleges nga uray no inbalakad dagiti economic team nga i- veto ti nasao a gakat.
Segun ken ni Commissioner De Vera, magun- od dagiti narigat iti panagbiag na nga estudyante iti pannakaileppas da kadagiti kurso a pinili da agsipud ta saan dana pagproblemaan ti bayad ti tuition ken miscellaneous.
Innayon pay ti komisyoner a kalpasan a napagbalinen a linteg ti Free Tertiary Tuition kadagiti SUCs ket irugin ti CHED ken Department of Budget and Management ti panagsurat kadagiti Implementing Rules and Regulations ti nasao a linteg tapno mapunas ti danag dagiti economic team ni Presidente Duterte a saan a kabaelan a gastosan ti gobierno ti “Universal Access to Quality Tertiary Education” wenno libre a matrikula iti tertiary level.
