--Ads--
Naipanen dagiti checkpoint ken chokepoint iti Central Luzon kas paset ti ipatungpal a seguridad ti State of the Nation Address ni President Ferdinand Marcos Jr ita nga aldaw.
Segun ken ni Police Regional Office Central Luzon Regional Director BGen. Jose Hidalgo Jr., paingetenda ti anti-criminality ken focused police operations tapno masigurado nga awan ti kriminal ken dagiti nadakes a grupo a manggundaway iti okasyon.
Naka-stand by ita ti 875 PNP personnel manipod ti provincial ken city police offices idiay Central Luzon a nakasagana a maideploy nu kasapulan.
Immunan nga impatulod ti PRO3 idiay National Capital Region Police Office iti 412 a polis para ti Civil Disturbance Management Operation.
-- ADVERTISEMENT --
