Pinasingkedan ni senatorial aspirant ken dati nga Ilocos Sur Governor Chavit Singson a nasken nga amyendaran laeng ti linteg a mangsakup iti Philippine Offshore Gaming Operators ken saan nga iparit.
Segun ken ni Singson, saan a nasken a maiparit no di ket nasken laeng a mabuwisan ta binigbigna ti dakkel a mapukaw a pastrek ken adu ti naawanan iti trabaho.
Maipalagip nga inwaragawag ni Presidente Ferdinand Marcos Jr iti maikatlo nga State of the Nation Address na a maipariten ti POGO gapu kadagiti agraraira a krimen kas ti financial scamming, human trafficking, kidnapping ken pammapatay.
Idi met kallabes ket pinasingkedan ni Finance Secretary Ralph Recto a saan a makaapekto iti revenue collection ti pagilian ti POGO ban ta nagtengen ti gobierno ti revenue target na iti umuna pay laeng a paset ti tawen.
