--Ads--
Nangidiaya ti dati nga Ilocos Sur Governor Chavit Singson iti lima milion a pisos a reward para iti gold medalist a ni Carlos Yulo ken ti pamiliana.
Maibasar iti press release ti dati a gobernador, ti gungona ket masapul a sangsangkamaysa nga awaten ti pamilia Yulo ken ti nobiana a ni Chloe San Jose, maysa a content creator.
Inlanad pay ni Singson a kas maysa a mangipatpateg iti pamilia, ti gungona ket saan laeng a naidiaya para iti panangabak ni Yulo iti Olympiada no di ket tribute iti pamiliana.
Namnamaen ti dati a gobernador a mainspirar ti dadduma a pamilia ket ipategda ti panagkaykaysa ken panangsisinnuporta iti tiempo man ti rigat wenno nam-ay ta bigbigbenna ti pamilia kas pundasyon iti balligi ti maysa a tao.
-- ADVERTISEMENT --
