Nagpanawagan ni dati nga Ilocos Sur Governor Chavit Singson nga agikkaten iti puesto ni Presidente Ferdinand Marcos Jr. iti baet ti inawaganna a kakaroan nga anomalya iti pakasaritaan ti Pilipinas nga isu dagiti ghost flood control project.
Iti pannaki-uman ti Bombo Radyo Vigan ken ni Singson, kiddawenna ti pammakawan kadagiti umili nga inallukoyna idi a mangibotos ken ni Marcos.
Malaksid dayta, imbutaktak ni Singson ti maysa nga anomalous flood control project idiay Vintar, Ilocos Norte a Baluarte ti presidente kalpasan a nangibaon kadagiti mangkita, ket kunana nga adu pay dagiti ibutaktaknanto iti masangwanan.
Inawagan pay ti dati a gobernador a ‘diversionary tactics’ laeng dagiti panangbambanat dagiti kritiko kenkuana gapu iti panagsaritana mainaig iti nasao nga anomalya.
