Kinarit ni dati nga Ilocos Sur Gov. Chavit Singson ni Atty. Estelita Cordero a lukatan ken paggarawenda iti kaso a plunder a mapapati nga impilada kontra kenkuana tapno mapaneknekan no pudno iti pammabasolda.
Iti pannaki-uman ti Bombo Radyo Vigan ken ni Chavit, awan iti naaw-awatna a kopya iti reklamo maipanggep iti nasao a kaso isu a kayatna a sawen ket kalokoan ken awan iti kinaagpaysuna iti dayta.
Segun ken ni Chavit, nu pudno a napigsa ni Cordero iti agdama nga administrasyon ket paneknekanna nga aggar-garaw iti nasao nga impilada ta ibilangna dayta a chismis agingga awan iti maawatna a reklamo.
Kinaritna pay ni Cordero a no pudno a salsalaknibanna dagiti umili iti probinsia ken iti pagilian ket nasaysayaat nga imbestigaranna pay idiay Ilocos Norte ta pasig a ghost project ken awan ti nalpas a proyekto iti nasao a lugar.
