Iti tawenna a walopulo ket tallo ket adu pay laeng dagiti kayat nga aramiden ni dati nga Ilocos Sur Governor Chavit Singson kangrunaan iti panangtulongna iti movie industry.
Naragsak nga impadamag ti dati a gobernador a nalainganen manipud iti panagsagabana iti pneumonia kadagiti napalabas a bulan, nga isu pay ti nangisanudanna iti panagtarayna para iti kinasenador inton May elections ta amangan no saanna a maakman a nasayaat ti trabahona no mangabak.
Iti agdama, kayatna nga ienjoy pay laeng ti pribado a biagna ket pokusanna ti panagaramid iti pelikula.
Kabayatanna, agtultuloy metten ti production ti “Beyond the Call of Duty” nga iproduce ti dati a gobernadora kadua ti anakna a babai a ni Stephanie, idinto a ti director ket ni Jose Olinares wenno Direk JR.
Innayon ni Chavit a rugi pay laeng daytoy ket adu pay dagiti aramidennanto a pelikula, ta ti inana ket producer met laeng idi.
