--Ads--
Inlawlawag ni dati nga Ilocos Sur Governor Chavit Singson a saan a husto a namaltrato ni “King”, nagan ti lion idiay Baluarte Zoo kas maibasar kadagiti nagwaras a video iti social media a mapapati a makugkugtaran tapno makatakder para kadagiti kayatna ti maki-picture.
Iti pannaki-uman ti Bombo Radyo Vigan ken ni Singson, mortal sin idiay Baluarte a madangran dagiti dingwen ta adda maysa idin a naikkat iti trabahona gapu iti panangmaltrato.
Innayonna a kasdiay a talaga ti ugali ti lion kas wild animal, kanayon a puyat ken mabalin a saan laeng a maawatan dagiti agiwarwaras iti video iti husto a pasamak.
Impasigurado met ti Department of Environment and Natural Resources nga awan parikut iti nasao a dingwen.
-- ADVERTISEMENT --
