--Ads--
Awan pay laeng ti mapilpili ni dati nga Ilocos Sur Governor ken Chairman Emeritus ti League of the Municipalities of the Philippines Chavit Singson nga agbalin a sumukat ken ni JB Bernos kas presidente.
Dayta ket kalpasan a mabakante ti puesto gapu iti panagbalinen a kongresista ni Bernos.
Iti pannaki-uman ti Bombo Radyo Vigan ken ni Singson, taktakuatenna no asino ti kayat ti kaaduan manipud iti Luzon, Visayas, ken Mindanao ta no asinonto man ti mapili ket addanto latta met isuna a mangtarabay.
Impaganetget ni Singson a ti kangrunaan a saanna kayat iti agbalin nga LMP President ket ti korap ta no kasta ti agtugaw ket sigurado a marakrak ti liga dagiti mayor iti pagilian.
-- ADVERTISEMENT --
