--Ads--
Saan a lapped para ken ni 2016 Rio Olympian Charly Suarez ti kaadda iti baro a kalaban iti nabatbati a dua a lawas tapno masukit ti bakante a World Boxing Organization International super featherweight title babaen iti third round stoppage kontra iti American boxer a ni Jorge Castaneda idiay Desert Diamond Arena, Glendale, Arizona.
Left hook ti inaramat ni Suarez kontra ken ni Castaneda a nakapanabtuoganna iti maudi a 58 seconds ti third round.
Nakalisi ni Castaneda ken nakabangon ngem maysa pay a solid combination ti impakat ni Suarez tapno mapanabtuog ti kalaban iti nabatbati a tallopulo ket walo a segundo.
Napagtalinaed ni Suarez ti undefeated winning streak kadagiti sangapulo ket walo a pangabak pakairamanan ti 10 knockouts.
-- ADVERTISEMENT --
