Kinumpirmaran ti National Task Force to End Local Communist Armed Conflict wenno NTF-ELCAC a pimmanawen iti pagilian ni Chantal Anicoche kalpasan a nairuaran ti Order to Leave iti Bureau of Immigration.
Naammoan a dimmalan ni Anicoche iti medical treatment iti 2nd Infantry Battalion Hospital kalpasan a naisalakan idi January 1 iti engkwentro iti military ken NPA idiay Occidental Mindoro.
Segun ti NTF-ELCAC, inamin ni Chantal Anicoche iti naisayangkat a debriefing iti nagbalin a presensyana iti maysa a kampo iti New People’s Army idiay Occidental Mindoro idi napasamak iti engkwentro ken ti pannakipasetna kadagiti organisasyon iti sabali a pagilian a konektado iti CPP international support network.
Kinuna ni NTF-ELCAC Executive Director USec. Ernesto Torres Jr. a ti bilin nga inruar ti BI ket maysa nga administratibo nga addang iti salinong ti linteg ken saan a mangipasimudaag nga inosente ni Anicoche wenno mangpaneknek a biktima isuna ti political persecution.
