--Ads--
Inwaragawag ti Malakanyang a ni Presidente Ferdinand Marcos Jr. ti mangipakaammo no asino ti agbalin a chairman iti nabukel nga Independent Commission of Infrastructure (ICI).
Segun iti Presidential Communications Office (PCO), posible nga aggidan ti pannakaiwarawagawag ti agbalin a chairman iti oath taking dagiti miembro ti komision.
Innaganan ti Malakanyang ni dati a Department of Public Works and Highways Secretary Rogelio Singson ken ni SGV Country Managing Partner Rossana Fajardo kas commissioner iti ICI.
Ni met Mayor Benjamin Magalong ti agbalin nga special adviser ken investigator ti komision.
-- ADVERTISEMENT --
Awan ti inruar ti Malakanyang a timeline no kaano nga isayangkat iti imbestigasion iti ICI ngem naipasigurado a mangrugi iti kabiitan a panawen.
