VIGAN CITY- Nag-emergency landing ti maysa a Cessna place nga agmaris ti nalabbaga ken puraw a ti tail number na ket 152 idiay diversion road , Barangay Ayudante ,Candon City gapu iti mapapati a panagpalya ti makina.
Segun ken ni Police Supt. Dexter Paredes ti Candon City police station, nadlaw ti piloto a ni Capt. Michael Atienza, agtawen ti uppat a pulo ket dwa, naasawaan ken taga Malabon City ti panagpalya ti makina ti cesna plane iti kaadda da iti tangatang ket saannan a maiyabot ditoy Vigan isu a nagdesisyon nga ag-emergency landing.
Saan a nadangran ni Capt. Atienza ken ti kadwa na nga student pilot a ni Eric Blanco, agtawen ti tallo pulo ket syam, baro ken taga Quezon City ket maiyur-uray ti technician a mangtarimaan ti makita ti eroplano isu a ti agdama ket adda pay laeng idiay Candon City isu a banbantayan dagiti otoridad.
