VIGAN CITY– Naiyaonen iti cessna plane a nagswek idiay Sabangan, Santiago idi kalepleppas a panagduprak ti Bagyo Lawin iti napalabas a bulan nga isu iti nagluganan dagiti dua a biktima nga isu da John Kaizan Estabillo, maysa a piloto kenni Paula Bianca Robles, maysa nga student-pilot.
Segun kenni PS/Insp. Aristeo Tajon, hepe ti Santiago municipal police station, alaen ti Leading Edge International Aviation Academy iti eroplano para iti panagimbestigar da tapnu maamuan nu anya iti pudno a rason iti nagswekan na.
Innayon iti hepe a narekobre da dagiti naduma-duma a gamit dagiti biktima kas kuma iti kwentas nga awan pendant na, kwarta ken naduma-duma nga ID ket inturn-over da iti kompanya nga akinkukua iti eroplano.
Maipalagip nga iti mapapati a rason iti nagswekan iti eroplano a nagluganan dagiti biktima ket gapu iti pannakasab-it iti maysa a payyak na iti kable ti zipline ti Vitalis Vilas Resort agsipud ta nababa iti tayab iti nasao nga eroplano nga addaan iti tail number nga RP-C 7838 a nakabase idiay San fernando City, La Union.
