VIGAN CITY – Nasalun-at a sinelebraran iti maika-sangagasut a panagkasangay ni Eugenia Molina a taga-Brgy. Silag, Sitio Nabaan, Sta. Maria, Ilocos Sur ita nga aldaw.
Iti pannakipapatang ti Bombo Radyo Vigan ken ni Benjamin Molina, agtawen iti pitopulo ket lima, inunaan nga anak ni lola Eugenia, saan unay a nagtabtabako ti inana ta manipod binalakadanda a napeggad iti panagtabako ket insardengna a banag a nagtalinaed a nasalun-at ti inada.
Nupay saan unay a makangeg ken makakita ket napigsa pay laeng ni lola Eugenia ta kabaelanna iti bumangon manipod iti pagiddaanna nu kayatna iti agtugaw.
Segun ken ni Benjamin, naaddaanda iti simple a selebrasyon para iti inana ta maysa a pribilehio iti pannakaabot iti centenarian.
Kinunana a dati nga agtagilako iti tiendaan iti ili ti Sta. Maria ti inana nga isu metten iti maysa a nagtataudan ti pabiaganda.
Voice of Benjamin Molina
