Celtics star Jaylen Brown, namuelta iti $25,000 gapu iti ‘throat-slashing’ gesture

Namuelta iti $25,000 ni Boston Celtics star Jaylen Brown gapu iti ‘throat-slashing’ gesture.

Napasamak ti insidente idi nag-dunk iti sangwanan ni Detroit Pistons forward Isaiah Stewart.

Kalpasan ti poster-dunk na ken ni Stewart ket inaramidna ti ‘throat-slashing’ gesture a saan met a nakaragsakan ti NBA.

Saanen a nakigtot ni Brown iti pannakamueltana ta ammona nga adu ti agbalin a resulta iti inaramidna.

Ni Brown ket nagperma iti lima tawen a kontrata iti Celtics nga aggatad iti $304 million.