VIGAN CITY – Maysa a cellphone a kukua ni Vangelyn Apuya, agtawen iti duapulo ket tallo, Parish staff a taga-La Paz, Abra ngem agnanaed idiay Poblacion, Quirino ti natakaw idiay Immaculate Concepcion Parish, Poblacion, Quirino.
Alas otso kwarenta y singko iti Mayo 15 idi simmangpet ti biktima iti nasao a lugar ket nadlawna a ti cellphone nga agmaris iti rose gold nga adda black casing-na ket iti panangkita iti CCTV, alas otso bainte y siete ti isu met laeng nga aldaw, adda simrek a lalaki nga atiddug ti buokna iti kwarto a pimmanaw met laeng kalpasan ti insidente.
Kabayatanna, iti panagkita met ti Quirino Police Station iti CCTV footage, natakuatan nga isu met laeng iti ladawan ni Noel Valdez alyas Nonoy nga addan dati a kasona iti panagtakawan.
Insigida a nangiwayat ti Quirino Police Station iti follow up no ayan ti suspek tapno mayarig koma ti CCTV footage a naala kabayatan ti insidente ngem iti alas onse y media iti isu met laeng nga aldaw ket saanen a nasarakan ti suspek.
