--Ads--
VIGAN CITY- Napukaw ti cellphone ni Remelyn Recumio Castillo a taga -San Isidro ,San Juan ta mapapati a tinakaw ti saan a nabigbig a lalaki a napan naglako ti chicharon iti lugar da.
Segun kenni Castillo, inbati na ti cellphone na iti sango ti pagtaengan da ta napan nagakas ngem idi nagsubli ket awanen ti cellphone na ket atapen na a ti naglako ti chicharon ti nangala ta awan ti sabsabali a simrek iti paraangan da
Nakita met ti testigo a ni alyas Lovely ti naglako ti chicharon nga inladawan na a natayag ken nakottong a lalaki ken nangisit ti kudil na ngem saan na a nailasin ti rupa na ta nakakallugong.
