Cebu bishop Midyphil Billones, baro nga archbishop iti Jaro

Dinutokan ni Pope Francis ni Cebu bishop Midyphil Billones a baro nga archbishop idiay Jaro, Iloilo.

Ti pannakadutokna ket naigiddan ti feast of Our Lady of Candles, patroness iti Jaro ken Western Visayas.

Sukatan ni Billones ni archbishop Jose Romeo Lazo a nagretiro kalpasan a nagtengna iti mandatory retirement a pitpulo ket lima a tawen.

Ni Billones iti agbalin a maika-sangapulo ket uppat a mangidaulo ti archdiocese iti Jaro a mangsakup iti Iloilo province ken siudad, karamanan iti Guimaras.

Nagserbi ni Billones a rector iti St. Joseph Regional Seminary of Jaro idi dinutokan ni Pope Francis nga auxiliary bishop iti Cebu idi July 2019.

Na-ordain nga episcopate idi August 27, 2019 iti Jaro Cathedral.