Suportaran ti Catholic Bishops’ Conference of the Philippines ti kinuna ni Presidente Ferdinand Marcos Jr a sisasagana a makikinappia iti pamilia Duterte.
Iti baet dayta ti saan a pagkinnaawatan dagiti dua a lider ti pagilian ket arigna nalipatandan dagiti napateg nga akemda iti pagilian.
Segun ken ni Fr. Jerome Secillano, Executive Director ti CBCP-Episcopal Commission on Public Affairs, napateg ti panagkaykaysa ken panagtutunos dagiti mangidaulo ti pagilian, ngem masapul a nakapokus iti pagsyaatan ti amin.
Innayon ni Secillano a no nakasagana ti presidente a makikinnappia, nasken a panunoten ti kampo ni Duterte ti pagsyaatan ti pagilian ken dagiti umili.
Maipalagip a nangrugi ti saan a pagkinnaawatan dagiti dua a lider idi napan a tawen, ket iti agdama, sumangsango ni VP Sara iti impeachment case trial.
