Nagpanawagan ti Catholic Bishops’ Conference of the Philippines-Episcopal Commisson on Public Affairs iti gobierno ken dagiti kompania ti langis nga agkaykaysa tapno masolusyonan ti krisis iti petrolyo a mangparparigat kadagiti drayber ti pampubliko a transportasyon.
Segun ken ni Fr. Jerome Secillano, Executive Secretary ti CBCP-ECPA, nasken a kissayan wenno temporaryo nga ikkaten ti Value Added Tax iti petrolyo tapno maibaba ti presio iti merkado.
Inallukoyna dagiti kompania ti langis a mangted iti diskwento iti presio ti gasolina tapno saan unay a marigatan dagiti drayber.
Nadakamat pay ni Fr. Secillano a saan laeng a ti gobierno a nasken nga agtignay, no di ket dagiti pribado a kompania ti langis ta imbes a makatulong ket agbalin pay a rason ti ingingina ti presio ti petrolyo.
