CBCP, nagkiddaw iti kararag iti publiko para iti kondisyon ni Pope Francis

Nagpanawagan ti Catholic Bishop’s Conference of the Philippinas iti kararag gapu iti kritikal pay laeng a kondisyon ni Pope Francis sipud pay idi Pebrero 14.

Segun iti Vatican, ti kondisyon ni Pope Francis ket kayatna a sawen a delikado pay laeng ti kasasaadna ken makarikrikna pay laeng iti asthma-like respiratory crisis ti Santo Papa isu a nagkasapulan iti high flow oxygen.

Dagiti resulta ti blood test ni Pope Francis ket mangipakita a kurang iti dara wenno anemia ti Papa ken agkasapulan iti dagus a blood transfusions.

Kabayatanna, agtultuloy ti panangallukoy ni Cardinal Pablo Virgilio David ken dadduma pay a lider ti Simbaan Katoliko iti publiko nga ituloy ti panagkararagda para iti nataltalged a kasasaad ti Santo Papa.