--Ads--
Kinarit ti Catholic Bishops’ Conference of the Philippines (CBCP) iti publiko nga agkaykaysada a manglaban iti korapsion babaen ti protesta a mapasamak idiay EDSA People Power Monument inton bigat kas paset ti “Trillion Peso March.”
Gagem ti protesta nga allukoyen ti gobierno nga ilawlawag dagiti maipagarup a maanomalya a flood control projects iti napalabas a 15 nga tawen.
Adda ti nasantoan a misa idiay EDSA Shrine sakbay a mangrugi ti protesta kas paset iti kararag ken pannakagun-od ti hustisya.
Immawag dagiti obispo kadagiti amin a Pilipino a makipaset iti naurnos ken nakappia a protesta para iti kinapudno ken panagbalbaliw.
-- ADVERTISEMENT --
