--Ads--
Aminado ti Catholic Bishops’ Conference of the Philippines (CBCP) a mabalin nga apektaran ti krisis ti langis iti panag-obserba ti Visita Iglesia wenno panagbisita kadagiti simbaan iti Holy Week inton sumaruno a lawas.
Daytoy ket iti tengnga ti sangsangoen nga agtultuloy a panagngato ti presio dagiti produkto petrolyo.
Segun ken ni CBCP Espiscopal Commission of Public Affairs Executive Secretary Fr. Jerome Secillano, maawatan ti Simbaan no kayat dagiti umili nga aginot kasaruno ti panangibaga na a madanagan isuna kadagiti Pilipino nga apektado ti panagngato ti presio ti langis.
Pinasingkedan ni Fr. Secillano a no kas bilang imposible a makapan dagiti nataengan wenno adda marikrikna iti simbaan ket available ti misa iti online platforms.
-- ADVERTISEMENT --
