Suportaran ni Senate Minority Leader Alan Peter Cayetano ti imbestigasyon iti National Bureau of Investigation (NBI) iti mapapati nga anomalia iti bidding ken funding dagiti proyekto para iti 2019 Southeast Asian (SEA Games), ngem adda kondisyonna.
Aramidenna laeng dayta no mapalubosan dagiti miembro ti Senate minority group nga ituloy iti imbestigasyon ti kontrobersyal a maanomalia a flood control projects.
Kinunana, ti proposalna iti NBI, Malakanyang ken DOJ ket imbestigaranda ti Southeast Asian Games idi 2019 nga isu iti nag-overall champion iti pagilian ken nadayaw iti intero a Southeast Asia, ket kinaritna ida nga imbestigaran a nalaing ken itedda iti amin ta suportaranda dayta.
Ngem kinuna ti Senador nga isuda a sangapulo iti minority iti Senado ket imbestigaranda iti flood control, ket kinaritna no anamunganda dayta.
Immunan a pinasingkedan dagiti agkabsat a Sen. Alan ken Pia Cayetano a panangbutbuteng ken panangriribok laeng iti akemda kas senator-judges gapu iti plano nga imbestigaran ti mapapati nga iregularidad ti 2019 Southeast Asian (SEA) games sports complex.
