--Ads--
Nagpanawagan ni Senate Minority Leader Alan Peter Cayetano a mayadayo iti pulitika ti Department of Health kasaruno ti pannakadutok ni Dr. Jose ‘Brix’ Pujalte Jr. kas baro a mangidaulo iti ahensia.
Segun ken ni Cayetano, namnamaenna nga agserbi a pangrugi ti dakkel a reporma ti baro a liderato iti DOH tapno sumayaat ti serbisio a pangsalun-at para kadagiti Pilipino.
Natalek ti senador a maital-o ni Pujalte dagiti panagbalbaliw ken maidatag ti natibker a pundasion para iti nasaysayaat a healthcare system.
Impaganetget ni Cayetano a napateg a mayadayo ti DOH iti pulitika tapno makaited iti naep-epektibo ken nasaysayaat a serbisio iti publiko.
-- ADVERTISEMENT --
