Nangipila iti petision idiay Korte Suprema ti kampo da Senador Alan Cayetano ken tapno kwestionaren ti nagbalin a balasaan iti Senado idi June 3.
Iti naipila a petition for certiorari and prohibition, kiniddaw ni Cayetano iti Korte Suprema a mangiruar iti status quo ante order wenno tapno isubli ti sitwasion sakbay a maaramid dagiti makweskwestion nga addang iti Senado.
Kiniddaw pay ti kampo ni Cayetano a waswasen ti bileg ti session nga idadaulwan ni Senador Sherwin Gatchalian, deklarasion ti quorum nga addaan iti 12 a miembro, panangpili kadagiti baro nga opisial ti Senado, panangdutok kadagiti baro a committee chairperson, ken dadduma pay nga addang a naaprubaran iti nasao a session.
Kayat pay dagiti petitioner a bigbigen latta ni Cayetano kas Senate President idinto a ni Senador Loren Legarda pay laeng ti Senate President Pro Tempore, ken ni Atty. Jose Luis Montales met ti Senate Secretary.
