Nakoronaan a Miss International 2025 ni Catalina Duque Abreu iti Colombia iti coronation night iti maika-innem a pulo ket tallo nga edisyon ti pageant a napasamak idiay Tokyo, Japan.
Impasa ni Miss International 2024 Huynh Thi Thanh Thuy ti korona ken ni Catalina kas successor-na iti kalkalpas a prestihiyoso a pageant.
Ni Catalina iti maikapat a Colombian beauty queen a nangabak iti Miss International title.
Dagiti immuna a nangabak a beauty queen manipod Colombia ket da Stella Marquez idi 1960, Paulina Galvez idi 1999 ken Jeymmy Vargas idi 2004.
4th runner-up iti pambato iti Pilipinas a ni Myrna Esguerra, 3rd runner-up ni Melliza Xaviera Yulian iti Indonesia, 2nd runner-up ni Paola Guzman iti Bolivia ken 1st runner-up ni Yollanda Chimbarami iti Zimbabwe.
Ti Miss International ket maysa a nasikat a “Big Four” international beauty pageant pakairamanan iti Miss Universe, Miss World ken Miss Earth.
