Cash remittances idi Setyembre, ngimmato ti 3.3%

Ngimmato ti 3.3 percent ti cash remittances manipod overseas Filipinos idi Setyembre.

Katukad dayta ti $3.01 billion a nangatngato iti $2.91 billion iti isu met la a bulan idi 2023 kas kinuna ti Bangko Sentral ng Pilipinas (BSP).

Mangipasimudaag nga umabot ti $25.23 billion ti total cash remittances iti umuna a siam a bulan, nangatngato iti $24.49 billion a nairekord iti umuna a siam a bulan idi 2023.

Rimmegta ti cash remittances gapu iti ad-adu a receipts manipod ti land ken sea-based workers.

Ngimmato ti personnal remittances manipod kadagiti Pinoy abroad ti 3.3 percent iti $3.34 billion idi Setyembre manipod iti $3.23 billion idi napalabas a tawen.