Inwaragawag ti National Commission of Senior Citizens ti pilot implementation ti bank transfer system ita a first quarter ti tawen tapno pagbalinen a naal-alisto, nalawag, natalged, ken naannayas ti panangipaay iti benepisio para kadagiti senior citizen.
Gagem ti sistema a masigurado a ti benepisio ket direkta a maawat ti mismo a kwalipikado a centenarian.
Kabayatanna, imbilin ti NCSC ti nasapa a panangiproseso ken panangipaay iti P100,000 cash gift para kadagiti uppat nga Aeta centenarian a saan a naikkan idi 2024, kasaruno ti panangiyakar ti programa manipud iti Department of Social Welfare and Development iti komision idi 2025.
Iti agdama, makikammayet ti NCSC iti lokal a gobierno ti Capas, Tarlac tapno makompleto dagiti kasapulan a dokumento para iti nasapa a pannakaiwaras ti cash gift kadagiti Aeta centenarian.
