Cash assistance iti pamilia ti pimmusay a senior citizen iti ili ti Suyo, indanun ti Office of the Vice Governor

VIGAN CITY – Indanon dagiti kameng ti Office of the Vice Governor ti cash assistance para iti pamilia ti pimmusay a ni Sebia Antonio Gapacan, agtawen iti walopulo ket walo a taga-Barangay Man-atong, Suyo.

Ni Sebia ket nagaburan iti bato manipud iti bantay nga abay iti balay ti anakna idi dimmayeg ti magnitude 7 a gingined iti probinsia.

Inawat ni Teresita Antonio Gando ti tulong a naggapu iti provincial government.

Kabayatanna, ni SBM Renato Ngangac ti nangkuyog kadagiti grupo a napan iti nasao a lugar tapno idanun ti tulong.