--Ads--
Nakasaganan ti case folder para ti maipila a kaso a murder kadagiti adda pakainaiganna ti pannakatay ni dati a Philippine Charity Sweepstakes Office (PCSO) Board Secretary Wesley Barayuga.
Segun ken ni PNP Public Information Office Chief Police Brigidier General Jean Fajardo, karaman kadagiti makasoan ket dagiti naibaga iti panagdenggeg ti House Quad Committee.
Karaman ni retired Police Colonel at dating PCSO chief Royina Garma, dati a National Police Commission (NAPOLCOM) Commissioner Edilberto Leonardo, PLtCol. Santi Mendoza, Nelson Mariano, ken Sergeant Jeremy Causapin alyas Toks, ken dadduma pay.
Patien ti PNP a malaksid ti testimonya ni Mendoza ket adda pay nayon nga ebidensya a mangted palawag iti kaso iti pannakatay ken ni Barayuga.
-- ADVERTISEMENT --
