--Ads--
Binigbig ni Canadian Prime Minister Mark Carney ti dakkel a tulong ti nasurok maysa a milyon a Pilipino idiay Canada iti panangpapigsa iti ekonomiya ti pagilian.
Segun ken ni Carney, umabot iti nasurok 200, 000 a Pilipino ti agnanaed idiay Vancouver ket karaman da kadagiti tumultulong iti napapateg a serbisio, negosio ken komunidad.
Tampok pay ti kultura ti Pilipino idiay Canada babaen iti musika, sala, sining, ken kadagiti selebrasion kas ti Kamayan Fest ken dadduma pay a Pinoy festivals.
Impaganetget ni Carney a makatulong ti komunidad dagiti Pilipino iti panangbukel ti maysa a natibtibker ken nasaysayaat a Canada.
-- ADVERTISEMENT --
