--Ads--
Binigbig ti Philippine Sportswriters Association ni Carlos Yulo a 2024 Athlete of the Year ket mapasamakto ti Awards Night inton January 27 iti grand ballroom idiay Manila Hotel.
Dayta ket gapu iti umuna a gundaway a panangabak ti maysa a Pinoy athlete iti dua a gold medal iti Olympic Games ta ni Yulo ti nagari iti men’s floor exercise ken vault finals.
Ni Yulo ti umuna a gymnast kalpasan ni Pia Adelle Reyes idi 1997 a maipaayan iti Athlete of the Year award babaen iti kabayaganen a media organization iti pagilian iti traditional gala night.
Ti historical a panangabak ti Pinoy athlete ket kalpasan ti pannakagun-od ti Pinay weightlifter a ni Hidilyn Diaz iti umuna nga Olympic gold ti pagilian iti 2020 Tokyo Olympics.
-- ADVERTISEMENT --
