--Ads--
VIGAN CITY – Adu unay iti karga a semento ti cargo truck a naibalandra iti paset ti kalsada idiay Sitio Kakaldingan, Barangay Lungog, Narvacan a mapan idiay probinsiya ti Abra idi naminsan nga aldaw.
Dayta ket maibasar iti imbestigasyon ti Narvacan municipal police station nga idaulwan ni Police. Lt. Arcadio Viloria.
Segun ken ni Viloria, atiddog iti trapiko iti epekto ti pannakaibalandra iti nasao a cargo truck ta dakkel iti lugan ken nabayag a naidiskarga dagiti linaon na a semento.
Gapu iti dayta, inpanawagan ti hepe a masapul a matantsa a naimbag nu manu iti kabaelan ti maysa a lugan nga ikarga sakbay a maibiyahe tapnu maliklikan iti aksidente.
-- ADVERTISEMENT --
