Inamin ti Cardiologist a ni Dr. Willie Ong nga agpapaagas gapu iti cancer kalpasan a natakuatan dagiti doctor ti huge mass iti abdomen-na.
Segun ti former vice-presidential candidate, nariknana dagiti sintomas idi tawen 2023 bayat ti routine medical mission, ta no napudoten ket saannan a kabaelan.
Madlaw na pay a kumutkutong ngem impagarupna a gapu laeng ti sign of aging.
Saan a nagbayag, nakadlaw ni Dr. Ong ti nakaro a panagsakitsakit ti bukot na a nakaigapuan ti saanna pakaturturogan.
Dagiti immuna a blood test na ket awan iti nakitada a seryoso a sakitna, ngem nadlawna a ti panagsakit-sakit iti bukot na ket umakarar nga agpangato ken mapan iti sabali a paset ti bukot na.
Kalpasan ti makabulan, naadmit ken na-diagnosed ti cancer.
Kinuna a ti tumor ket naglemeng iti likudan ti puso ken iti sango ti duri na.
Innayonna a ti mass ti nanglapped iti esophagus, inferior vena cava vein, ken ti makannawan nga atrium ti pusona.
