--Ads--
Nagkakaduan dagiti cardinal idiay Vatican sakbay ti conclave tapno mangpili iti baro a papa ket impanawaganda ti insigida a ceasefire ken peace talks idiay Ukraine ken Middle East.
Iti maysa nga statement, pakaladingitanda nga awan ti pagdurdur-asan ti pannakaiduron ti kapia idiay Ukraine, Middle East ken adu pay a paset ti lubong.
Dayta ket kalpasan ti naudi a panagtataripnong dagiti cardinal kas panagsagana iti conclave ita nga aldaw tapno pilien ti baro a papa.
Maipalagip a pimmusay ni Pope Francis idi April 21 kalpasan ti sangapulo ket dua a tawenna a nangidaulo kadagiti 1.4 bilion a Katoliko iti lubong.
-- ADVERTISEMENT --
