--Ads--
Nainaganan ni Filipino Cardinal Luis Antonio Tagle kas maysa kadagiti cardinal a tumulong iti Camerlengo, Cardinal Kevin Farrell, iti panagsagana para iti conclave kasaruno ti pannakatay ni Pope Francis, kas pinasingkedan ti Bishops’ Conference of the Philippines.
Ni Tagle ti agdama a pro-prefect ti Dicastery for Evangelization iti Vatican.
Segun iti CBCP, temporaryo a tumulong dagiti tallo a cardinal iti Carmelengo sakbay ti secret conclave tapno botosan ti sumaruno a Papa, mangrugi inton May 2, 2025.
Malaksid ken ni Tagle, dua pay a Filipino cardinal ti nasken a makastrek iti conclave, nga isu da Manila Archbishop Jose Cardinal Advincula ken Kalookan Bishop Pablo Virgilio Cardinal David.
-- ADVERTISEMENT --
