VIGAN CITY – Insayangkat ti Provincial Government iti Capitol Outreach Program kadagiti nadumaduma nga ili babaen iti panangidaulo ni Gov. Ryan Luis Singson.
Immuna a nadanon dagiti umili iti ili ti Sigay kangrunaan idiay Municipal Gymnasium a nakaipaayan iti libre nga agas, dental service, consultation saan laeng a kadagiti tattao nu diketdi adda pay kadagiti dingwen ta kadua iti program iti Provincial Veterinary office ken Provincial agriculturist.
Saan laeng a dayta ta adda pay iti Provincial Social Welfare Development Office ket nangipaay iti serbisyo kadagiti narigat ta nangipaayda iti financial assistance kadagiti benepisyary nga agkasapulan para iti panagpa-osipitalda.
Simmaruno a naisayangkat iti oras iti ala una iti malem iti ili ti Salcedo a napasamak idiay Municipal Gymnasium idinto a ti alas dos iti malem ket iti New public Market iti ili ti Galimuyod.
Gapu ti nasao a programa, naikkan dagiti agduduma nga asosasyon iti mannalon iti lima a unit iti corn planter, lima a unit iti tobacco planter ken maysa a diesel water pump.
Kabayatanna, adda pay iti sumarsaruno nga outreach program iti naduma-duma nga ili ta ita nga aldaw ket idiay Suyo ken Santiago idinto nga inton bigat ket idiay Tagudin ken Sta. Cruz.
