Nakaalerto ti Candon City Police Station iti panangpatalinaed iti linak ken talna iti siudad kagiddan ti panaglukat ti Feria de Candon a tinawen a festivity nga ar-aramiden ti siudad.
Iti pannaki-uman ti Bombo Radyo Vigan ken ni PLT. Jovelyn Antalan, kadua ti kapulisan dagiti force multiplier a tumulong kadakuada kas kadagiti traffic management ken dagiti barangay tanod.
Sipud idi November 29 a panangrugi ti aktibidad iti nasao a kapiestaan ket awan met dagiti untoward incident a nairekordda.
Paset kadagiti aktibidad ti lantern masterpiece competition, panaglukat ti Christmas village, ken ti Onederland Light a Tree Contest.
Nalukatan pay t Trade Fair and Exhibit idiay Candon Farmers Trade Center – Tablac, Candon City a pakakitaan dagiti One Town One Product dagiti nadumaduma nga ili iti segundo distrito.
