Pormalen a nalukatan ti Candon City Aquarium and Children’s Park idiay Barangay Darapidap, Candon City babaen ken ni City Mayor Eric Singson.
Daytoy ti umuna nga Aqua Park iti intero nga Ilocandia a naawagan pay kas ‘Ocean Park of the North’.
Iti pannaki-uman ti Bombo Radyo Vigan ken ni City Information Officer Jun Balbin, nadumaduma nga species ti makita iti Candon Aquarium.
Manamnama ti ad-adu pay a pumasiar iti nasao a water park ta daytoy ket saan laeng a para iti turismo no di ket para payen iti edukasyon ken research.
Libre ti sumrek kadagiti agtawen iti dua agingga pito, P100 kadagiti agtawen iti walo agingga sangapulo ket tallo, P200 kadagiti agtawen iti sangapulo ket uppat agpangato ken P150 kadagiti Senior Citizen ken Person with Disabilies.
