--Ads--
Priyoridad ti Canada ti panangpalawa ti trading iti Asia, kapaspasna a dumurdur-as a rehiyon iti lubong.
Segun ken ni Canadian Prime Minister, Mark Carney, target a malpas ita a tawen ti negosasion para iti Canada-ASEAN Free Trade Agreement iti salinong ti panangidaulo ti Pilipinas iti ASEAN.
Innayon ni Carney, manamnama ti panagbaba wenno maikkaten ti taripa iti katulagan a mangted ti dakdakkel nga oportunidad kadagiti negosio ken mangmangged ti Canada.
Impakaammo pay ti opisial a kayat ti Canada a malpas ita a tawen ti negosasion para iti maysa nga agsina a katulagan iti trading ti nagbaetan ti Pilipinas ken Canada.
-- ADVERTISEMENT --
Pinasingkedan ni Carney a ti Pilipinas ket maysa iti kapardasan a dumurdur-as nga ekonomiya iti Asia ken iti intero a lubong.
