VIGAN CITY – Inparuwaren ti Commission on Elections iti kalendaryo dagiti aktibidad para ti May 11, 2020 Barangay and Sangguniang Kabataan elections, siyam a bulan sakbay iti nasao nga eleksyon.
Ti mensahe nga inpatulod ni Comelec spokesman James Jimenez iti Bombo Radyo Vigan, inbaga na nga agtultuloy iti panagsagana da para ti eleksyon inton umay a tawen ta awan pay laeng iti desisyon ti Comelec en banc ken Kongreso inaig iti posible a pannakaisanud na inton 2022.
Nakailanad ti Comelec Resolution No. 10573 a nakaituding ti panagipila ti certificate of candidacy dagiti kandidato inton March 12 agingga March 19 idinto a ti election period ket manipud March 12 agingga May 18 ngem iti panagkampanya ket mangrugi inton May 1 agingga May 9 iti umay a tawen.
Ti deadline iti panagipila ti statement of contributions and expenditures ket agingga inton June 10.
Maipalagip nga inbaga Presidente Rodrigo Duterte idi maikapat a State of the Nation Address na a kayat na a maisanud iti eleksyon dagiti barangay ken sangguniang kabataan officials tapnu maileppas da pay amin a proyekto ken programa da.
