VIGAN CITY – Pakabuklan a tallo gasut tallo pulo ket maysa a transakyon iti naiserbi ti Pag-IBIG Fund Vigan Branch babaen iti panangidaulo ni Aileen Angelie Abelanes iti umuna nga aldaw iti panaglukatda manen idi Lunes, May 4.
Segun kenni Abelanes, gapu iti pangta iti covid-19 ket rumbeng latta a salwadanda dagiti kliyente ken dagiti miembro ti Pag-IBIG ta adda iti pagannurutan a rumbeng a surutenda kas iti no face mask no entry ken ti physical distancing ta sangapulo ket lima laeng iti mabalin a sumrek iti uneg iti ahensya tapno maliklikan iti virus.
Kasta pay a pinasingkedanna nga iti agdama ket adda iti dua nga idiayada a loan kadagiti kliyente nga isu iti Calamity Loan ken Multi-Purpose Loan a kasapulan nga adda iti walo pulo a porsiento a kontribusyon.
Impalawag ni Abalanes a no awan iti naglabas a loan ket maala amin a walo pulo a porsiento idinto no adda ket dita a maikissay nga isu iti maala ti maysa a miebro.
Innayonna pay nga agduma interest rate iti Calamity Loan ken ti Multi-Purpose Loan ta 5.95% iti Calamity Loan idinto a 10.5% iti Multi-Purpose Loan.
