Inwaragawag ti Cagayan Provincial Office a kitaen pay dagiti imbestigador ti posible a tignay dagiti local police officers a naideploy kabayatan ti campaign rally a nakapaltugan ken nakatayan ni Rizal, Cagayan Mayor Joel Ruma.
Inlawlawag ni Police Captain Shiela Joy Fronda, spokesperson para iti provincial police office, standard procedure para iti Philippine National Police a mangdutok iti personnel nga agbantay kadagiti campaign event.
Bayat iti rally ni Ruma idiay Barangay Illuru Sur, uppat a pulis ti nadutokan nga agbantay.
Maipalagip a nagsagaba iti gunshot wound ni Ruma iti akin-kannawan nga abagana, ken limsut ti bala iti bukotna.
Naitaray iti Tuao District Hospital ngem naideklarar a dead on arrival iti alas dyes trenta y uno iti rabii.
Im-imbestigaran dagiti pannakabagi ti linteg ti posibilidad nga sniper ti nangpapatay ken ni Ruma.
