Nabotosan kas presidente ti League of Municipalities of the Philippines – Ilocos Sur Chapter ni Mayor Josh Edward Cobangbang iti ili ti Cabugao, Ilocos Sur para iti 2025-2028.
Ni Cobangbang ti nagbalin a kaubingan a mayor idi iti intero a pagilian, nga ita ket mangaramid met iti pakasaritaan kas kaubingan nga agpresidente iti liga.
Nabotosan nga Executive Vice President ni Mayor Mar Ruel P. Sumabat ti Alilem; VP 1st District ni Mayor Benjamin Sarmiento Sr. ti San Juan; VP 2nd District ni Mayor Josephsimon Valdez iti Sta. Lucia; VP Upland ni Mayor Jessie Balingsat iti Galimuyod.
Nabotosan met a secretary ni Maria Divina Gracia Edralin iti San Esteban; Treasurer ni Glenn Guzman iti Sinait; Auditor ni Carlo Crisanto Peredo iti Sigay; Public Relations Officer ni Joey Warren Bragado iti San Emilio.
Dagiti met walo a nabotosan a directpr ket pakairamanan da Samuel Parilla iti Bantay; Germelina Goulart iti Caoayan; Randolf John Cabreros iti Nagbukel; Jonan Tabanda iti San Vicente; Teresita Valle iti Sta. Cruz; Michael Florendo iti Sta. Maria; Annea Cassandra de Leon iti Sto. Domingo; ken Daniel Lairo Jr. iti Sugpon.
