Mangidiaya ti Cabugao Local Government Unit iti Educational Scholarship Program para kadagiti incoming Grade 7, Grade 11, ken 1st year college.
Dagiti kasapulan a requirement kadagiti interesado nga aplikante ket ti Barangay Certificate of Residency and Good Moral ken masapul a residente ti barangay iti saan a nabab-baba ngem iti innem a bulan.
No ti nagannak ket employed, masapul iti Certificate of Employment nga aggapu iti employerda.
No met ti nagannak ket self-employed, masapul iti Certificate of Indigency a nakainagan iti nagannak nga aggapu iti barangay ket maikabil idiay ti trabaho ti nagannak.
Saan a karaman iti programa dagiti miembro ti Pantawid Pamilyang Pilipino Program wenno 4Ps, malaksid kadagiti sangapulo ket walo agpangato ti tawenda ta saanda met a makaaw-awat iti educational assistance manipud iti 4Ps.
Dagiti dokumento ket masapul a dumalan iti Local Social Welfare and Development Office para iti assessment.
Maipasa met dagiti requirement iti Tourism Office/E-Library manipud inton July 8 agingga July 31, 2024.
