Dakkel ti posibilidad a naidarusdos ken saan a naiduron ni dati a Department of Public Works and Highways Usec Maria Catalina Cabral, maibasar iti 3D scan ti derraas a nakasarakan ti bangkayna.
Segun ken ni Col. Pierre Paul Carpio, officer-in-charge ti PNP Forensic Group, ipakpakita ti 3D scan a ti bangkay ni Cabral ket nasarakan 0.2 a metro laeng ti kaadayona manipud iti sakaanan ti derraas, ken adda kangatona a 16.9 a metro manipud iti lugar a naudi a nakakitaan kenkuana.
Inlawlawag ni Carpio a no koma naiduron ket ad-adayo pay ti ayanna.
Maipalagip a nasarakan ni Cabral iti derraas iti asideg iti Kennon Road, Tuba, Benguet kalpasan a pinanawan ti drayberna iti igid ti kalsada.
Innayon ti PNP a nagsagaba isuna iti blunt traumatic injuries ken natay iti nagbaetan iti alas tres agingga alas singko iti malem ti December 18.
